సిక్కు మత గురువు గురునానక్ 550వ జయంతి వేడుకలు నేడు వైభవంగా జరగనున్నాయి. సుల్తాన్ పుర్ వీధి లో ఏర్పాటు చేసిన ప్రధాన కార్యక్రమం అట్టహాసంగా జరగనుంది. గురుపర్వ్ కోసం ఇప్పటికే అధికారులు అన్ని ఏర్పాట్లు పూర్తి చేశారు. ఈ కార్యక్రమానికి దేశం నలుమూలల నుంచి భక్తులు హాజరుకానున్నారు. పంజాబ్ వ్యాప్తంగా ఆధ్యాత్మిక కార్యక్రమాలు జరగనున్నాయి. రాష్ట్రపతి రామ్ నాథ్ కోవింద్, కేంద్రమంత్రి అమిత్ షా సహా పలువురు రాజకీయ ప్రముఖులకు ఉత్సవ నిర్వాహకులు ఆహ్వానం పలికారు.
