ఇన్ కమింగ్ కాల్ రింగ్ సమయం విషయంలో టెలికాం సంస్థల మధ్య నెలకొన్న వివాదానికి చెక్ పెడుతూ టెలికాం నియంత్రణ సంస్థ (TRAI) కీలక నిర్ణయం తీసుకుంది. ఇకపై మొబైల్ ఫోన్ల విషయంలో ఇన్ కమింగ్ కాల్ రింగ్ టైమ్ ను 30 సెకన్లుగా నిర్ణయించింది. ల్యాండ్ లైన్ ఫోన్ల విషయంలో దీన్ని నిమిషంగా పేర్కొంది. ఇన్ కమింగ్ కాల్ సమయాన్ని తగ్గించడం విషయంలో ఒక కంపెనీపై మరో కంపెనీ ఆరోపణలు చేసుకున్న నేపథ్యంలో TRAI ఈ నిర్ణయం తీసుకుంది.
