భారత్, జర్మనీల మధ్య 20 కీలక ఒప్పందాలపై సంతకాలు జరిగాయి. భారత్ లో పర్యటిస్తున్న జర్మనీ చాన్సిలర్ ఏంజెలా మెర్కెల్, ప్రధాని నరేంద్ర మోదీ మధ్య జరిగిన ద్వైపాక్షిక చర్చల అనంతరం ఇరు దేశాల మధ్య ఈ ఒప్పందాలు కుదిరాయి. ఉమ్మడి సంకల్ప ప్రకటన (జేడీఐ) కింద చేసుకున్న ఈ ఒప్పందాలతో... కృత్రిమ మేథస్సు (ఏఐ), విద్య, వ్యవసాయం, తీరప్రాంత సాంకేతికత సహా పలు రంగాల్లో ఇరు దేశాలు పరస్పరం సహకరించు కోనున్నట్టు విదేశాంగ శాఖ ఓ ప్రకటనలో పేర్కొంది.
