ఆరోగ్యం గా ఉండాలంటే ఎలాంటి ఆహరం తినాలి ?


ఆరోగ్యంగా ఉండాలంటే ఏవేవో కసరత్తులు చేయాల్సిన అవసరం లేదు. కొన్ని ఆహార మార్పులు జీవన మార్పులు చేసుకుంటే సరి. అందులో భాగంగానే కొన్ని గింజలను మీ ఆహారంలో భాగం చేసుకోండి. ఇవి మీ ఆరోగ్యానికి చాలా మేలు చేస్తాయి. తాజా పరిశోధనల ప్రకారం, గింజలు అంటే సోయా, పప్పులు, చిక్కుళ్లు ఇలా ప్రోటీన్స్‌తో నిండిన ఆహారం తీసుకుంటే జీవన ప్రమాణాలు పెరిగినట్లు తేలింది. సుమారు 20 ఏళ్లపాటు 70వేల మందికి పైగా పరిశీలించిన పరిశోధకులు ఈ విషయాన్ని తేల్చారు. శాకాహారంతో లభించే మాంసకృత్తులు ఆరోగ్యానికి మేలు చేస్తాయని, వీటిని ఆహారంలో భాగం చేసుకుంటే మరణించే రేటు 13 శాతం తగ్గుతుందని తేల్చారు.